Servus,

to jo, Berni, sie sam melduja i wszytkich grisuja. Urodziołech sie w Dobrodzieniu a tak po nasymu to we (Gutynie), a tero miyskom łod 1979 roku we okolicach abo peryferiach Hannoveru. Mom kochano żoneczka i dwojga fajnistych dzieci, jedna frechowno Frela i jednego Karlusa, kery sie nie chce za bardzo po ślonsku ucyc ;-). Muzyka mi sie festy ale to festy podobo i to prawie kożdo, to je obojytnie czy ta po Śląsku po Polsku, po Niemiecku, czy tyż po Angielsku, wszystkie spiywki som fajne, kere sam dlo wos na tym nasym rodzinnym radyjku Bercik - Silesia gromy. Wiam że bydzie Wom sie tukej u nos podobać, i bydymy sie sam razym na nasych audycjach fajniście bawić, a jo wos już terozki zaproszom do wspólnej zabawy razem z nami Bercikami.
Zaproszom na te wszystkie nase audycje, a jak zechcecie to tyż i na moje pra. ;-)
Was Berni.


Berni@radiobercik.eu

Hallo,

tukej Siggi, intendant Radia Bercik - Silesia w funcji naszego zwionzku - Kulturvereinigung Bercik - Silesia e.V. zaproszom do wspólnej zabawy na wszytkie audycje Radia Bercik - Siesia. Życza Wom zawsze dobrego odbioru i kupa spasu na nasych audycjach z nasymi prezenterami R.B.S.

Pozdrowiynia do wos i wasych rodzinek
Wasz Siggi.


Intendant@radiobercik.eu

Hejka Kochani !!!!

Chciałach Wom sie tyz trocha przedstawić, zebyście to wiedzieli z kim to mołcie do czynienia ......
No to urodziyłach sie kupa, kupa lot tymu, było wtedy bardzo ciepło, bestorz nie lubia zimy. Mjyszkałach w mały wsi koło Metropolji Walce. Pochodza z bardzo muzykalny rodziny, a przez 4 lata spjywałach w zespole na zabawach i weselach , a nawet w kościele. Przed 19 laty przyjechałach do Niemiec i teraz mjyszkom w Neuss, jest żech mężatka i momy dwie piekne córeczki. Bardzo, a to bardzo ciesza sie, ze moga tu na naszym Radyjku Wom trocha muzyki z mojy kolekcji przedstawić i mom tako cicha nadzieja , ze bydziemy sie razym fajnie bawić.
Wasza Karina


Karina@radiobercik.eu

Kochani Słuchacze,

Witom Wos serdecznie na Radiu Bercik, chca wom tysz trocha o sobie napisać urodziołach sie w Marcu w Zabrzu ale niy na Ul.Piekarskiej tam tysz miyszkałach do lutego 1990 Roku potym my sie spakowali i przyjechali na wycieczka do Düsseldorfu i tam tysz mieszkali my do 2000 Roku. Potym wykludzyli my sie na Willich i sam tysz miyszkomy, jestym mężatkom momy 2 dzieci Syna i Cera. Chcecie wiedzieć wiela mom lot? - tysz wom powiem 18 + Watt + Akzyza. To tyla o mnie. Mom nadzieja że bydymy sie sam fajnie Bawić i umilać sie Czas. Zapraszom do wspólnej Zabawy.
Wasza Beate


Beate@radiobercik.eu

Hallo, witom wos wszystkich,

Urodziyłech się dość downo tymu i juz nic niy pamięntom ale w papiorach mom napisane, że było to 21 lipca roku pańskiego 1951 w Chorzowie Starym. Jakzech mioł 6 lot, przekludziyli my sie na Helynka wele Zabrza i tam tyz łaziol zech do podstawowki. Tam tyz przezył zech całe moje dziecinstwo i młodziyncze lata. Potym lazioł zech do Technikum Chemicznego, zas w Chorzowie Starym wele Azot. Piyrwszo moja robota znoloz zech w Browarze w Zabrzu, Potym robiolech w fabryce komputerów na Helynce a potym kupa lot pod ziemiom na grubie "Powstance Slaskie" w Bytomiu. W styczniu 1988 przijechołch do Rajchu i tu na stałe mieszkom juz 20 lot. Mom sam fajny łogrodek i tam pija sobie czasami piwko, ale juz niy te z browaru w Zabrzu....
Wasz Janusz


Janusz@radiobercik.eu

Hallo... to jo frela z opolskygo,

Nazywom se Maria ale wszyscy godajom mi Meri, nie wia czymu??? a... juz wia - to tak bardzi po amerykansku. Urodziyłach se 1. grudnia ale ktorygo roku??? było to tak downo, że już zapomniałach. Urodziyłach se i miyszkom w Brozcu. Od nojmodszich lot bardzo lubia muzyka, nasza swojsko, niymiecko i czesko, a jeszcze wiynci szpasu robi mi graniy na radiu. Na piyrszi miejscu jednak w zyciu stawiom moja kochano rodzinka. A jak grom i rozprawiom to na Radiu Bercik, możecie posuchac na co już tera serdecznie zaproszom
... Wasza Meri.


Meri@radiobercik.eu

Witom wszystkich bercikow rozsionych po colkim swiecie.

Jo jest karlus z Chorzowa, urodziołech sie 10. Czerwca 1954 roku, a na imie mi dali Johann. Od 1986 mieszkom w Braunschweigu, tu mom swój ogródek kaj sie z rodzinką i Freundami fajnie relaksujemy. Teraz chca wos zaprosić bardzo goraco na moje audycje kere właśnie byda sam z Braunschweigu do wos nadować. Juz teraz sie raduja na wspólno zabwa z Wami, no i myśla że i wy że mnom tyż.
No to PYRSK i fyrlomy i jo czekom na WOS !!!


Johann@radiobercik.eu

Witom wos wszystkich cołko Bercikowo rodzinka,

Przy chrzcie dali mi na imie Basia, wiadomo czymu jeżech cera górnika no i tradycji stało sie zadość Barborka w rodzinie boła. Urodziołach sie w Chorzowie póznom jesieniom, a boło to już bardzo downo, powiem wom w skrycie boło to w zeszłym 100-leciu. W roku 1986 pojechali my do niemiec na Braunschweig i tak sie sam mieszkomy do dzisioj i stąd tyż byda nadować do wos audycje. Zaproszom wos bardzo gorąco na moje audycje, sie już bardzo ciesza na Wasze wpisiki, na wspólno zabawa razem z Wami.
ZAPROSZOM ;))


Basia@radiobercik.eu

Also,

jo je Seba z chorzowa nr cwaj  (Königshütte) tu tyż mieszkom od urodzynio, a boło to 18 luty 1975. Moja pasyjo to komputery tworza stronki i inne bzdety, ogólnie lubia to co robia a to chyba sie liczy. Lubia śląsko kuchnia. Jeżech otwarty na świat i dobrych ludzi. Słuchając radyjoka bercik to łezka w oku, jedna wielko familio, więc postanowiłech sprubować swoich sił. Zapraszom i mom nadzieja że sie spodobo.


Zibi@radiobercik.eu

Witom cieplutko,

Witom sie z Wami drodzy słuchacze. Przypod mi zaszczyt grać na radiu Bercik, som to moje piyrwsze kroki w tym kierunku. Znać mje pewno już znocie jako ślonsko klachula, ale mimo tego trocha Wom powiym o sobie. Wołajom mje Renia choć nazywom sie Teresa, urodziołach sie w Chorzowie w nojpiykniyjszym miesioncu roku... a czymu nojpiykniyszy??? no, bo wtedy kwitnom kasztany, a ftory boł to rok? hmmmmm, na pewno to już Wos niy interesuje. Wychowałach sie tysz w Chorzowie, a potym moje losy róznie sie toczoły. Mom trójka dzieci - jednego karlusa i dwie frelki a trzy lata tymu przyboł mi jeszcze jedyn karlus - wnuk. Od 17-tu lot miyszkom w Niymcach, a tak dokładni to we Lippetalu na Westfali. Moje hobby? Oj niy byda wymiyniać bo jest tego dużo, ale powiym Wom na piyrwszym miyjscu stoi taniec i sport. To by boło na tyla o mnie. Wiym ze Berciki to jedna wielko rodzina i chciałabych do Wos pograć, a czy mi sie udo? - zoboczymy. Już dzisioj zapraszom do wspólnyj zabawy i mom nadzieja ze bydymy sie dobrze razym bawić Pozdrowiom .... wasza Renia


Renia@radiobercik.eu

Witom Wos Bercikule i Berciki!,

Jo jest Janek i pochodza ze Slonska ze robotniczy familjy. Urodziol jo sie w Kochlowicach dzisiejszo Ruda Sl. 31. stycznia w tamtym wieku. Jak jo miol 2 lata to my sie przekludziyli do Swietochlowic i tam zech sie wychowol. Potym jo laziol do podstawöwki i technikum gorniczego we Chorzowie. A zeby na chlyb zarobic to zaczon jo robic w hucie „Batory” ,bo poznol jo tako frelka tyz ze Chorzowa co mie za chopa sie wziynla i czeba bylo rodzina zalozyc. W 1984 roku pojechol jo do Niymiec zeby lobejrzec jak to ludzie zyjom w innym landzie A ze papiory po drodze jo straciol to jo niy miol wyjscia ino tu lostac. Od tego czasu mieszkom w Köln i tyz jo tu robiol we „Fordzie” kupa lot. Od bajtla interesowala mie muzyka a som grom na akordjonie i keybordzie ale ino do siebie. Jo sie byda radowol jak Wy bydziecie suchac moich audycji na co Wos gorko zaproszom. I mysla ze bydymy sie wzajymnie umilac czas.


Janek@radiobercik.eu

Witom Wos serdecznie na Radiu Bercik,

tys musza coś pedzieć ło sobie. Jo jest frelka z Piekor Sląskich, tu sie urodziłach i miyszkom do dziś. Bardzo sie ciesza że dostałach sie na to richtik ślaskie Radio o których zawsze marzyłach. Wiycie żyja muzyką od dziecka moj tata nom groł na łorgankach a my z bratem spiywali. Chór szkolny i kościelny zaliczyłach że moga pedzieć, że Muzyka to moja Miłość. Zawsze i wszędzie musi mi coś grać i chciałabych tys Wom pograć, bo bez muzyki niy ma życio. Wieku jo niy czuja choć mom 2 synów, zawsze godom tyla mom lot na wiela wyglondom... Myśla ze bydymy sie fajnie bawić, Pozdrowiom Wos cieplutko i zaproszom do zabawy Wasza Ania - Rybka.


Rybka@radiobercik.eu

Witom wszystkich bardzo gorko,

i powiym coś o sobie. Urodziołech sie 15. sierpnia we Chorzowie, tak downo tymu, że mi godajom co ludzie tak długo niy żyjom. Tam tyż zaczynoł żech i konczoł cołko swoja udukacjo. Poza tym grołech we orkiestrze "Huty Kosciuszko" i grom do dzisioj na gitarze i próbuja grać na organach. A wiync jest żech muzykalny. Lubia tyż pisać wiersze, teksty piosynek. I nawet z mojom lepszom połowom nagrali my już pora piosynek. Od trzech lot miyszkom z mojom ukochanom w Oberhausen i stond byda prowadzioł swoje audycje. Ostatnie 20-lot fedrowołech na grubie "Katowice" i juz jestech na pynzyji. Mom dwie piykne córki i trzi sliczne wnusie. No i jest żech szczynsliwie zakochany. Bardzo lubia grać na radiu, bo sprawio mi to ogromno radość, tym bardziej jak moje nutki sprawiajom radość innym. Mom nadzieja kochani że mnie ciepło przijmiecie na tym radiu i że kożdo moja audycja bydzie wom przinosić blank dużo radości. Zaproszom wos serdecznie na radio "Bercik" i na nasze audycje. To by boło na tyla. A wiync, zaproszom do zabawy i na konsolka.


Heniek@radiobercik.eu

Parafia Dobrodzień,

Nadajemy w każdą Niedzielę i Święta.
Msza Święta transmitowana o godz. 10:30
z Parafii Św. Marii Magdaleny w Dobrodzieniu.

Dekanat:
Dobrodzień Plac Wolności 4. 46-380 Dobrodzień

Duszpasterze:
Kś. Alfred Waindok - Proboszcz
Kś. Jan Golba - Wikariusz


Parafia@radiobercik.eu

Witomy Serdecznie,

sam krótko o nos… Zespół L & K - Filec powstoł w styczniu 2004 roku. Poroz piyrwszy - pod koniec 2003r. zwitoł na antenie radiowej w programie "Śląska Biesiada". Mocie ochota posuchac nos na zywo? Niy ma problymu… Zaproszomy - w kozdo niedziela od godz. 20:00 prosto ze Śląskij Biesiady w klubie "ALBATROS" z Wodzisławia Śl.- Kokoszyce.
Pozdrowiomy gorko Leszek & Kornelia


Biesiada@radiobercik.eu

Witomy wszystkich i zaproszomy do...

... wysyłania waszych fotek na tyn niżej podany adres m@ilowy by te wasze skarby i pamiątki umiescić na naszej Bercikowej Galerji. Myśla ze sam kupa fajnych pamiątek nazbieromy, a jo sie już raduja na wasze maile.


Basia@radiobercik.eu

Kochane Czatusie,

sam bych Wos chciała serdecznie zaprosić na nas Bercikowy czacik. Życza wom tam udanego klikanio, mocka spasu i mile spyndzonych chwil w domku u Bercika. Mocie jakieś pytania, dejcie mi znać, a jo sie napewno u wos zamelduja. Dobrego odbioru nasego radyjka i klikania w rytmie berci-nutek.

Wasza Beate


Beate@radiobercik.eu